Каардынацыйная Рада

Сьвятлана Ціханоўская зьяўляецца лідаркай дэмакратычнай Беларусі, а ўсе створаныя зь яе ініцыятывы структуры, уключна з Каардынацыйнай Радай, — паўнамоцнымі органамі, якія прадстаўляюць увесь беларускі народ, у тым ліку беларусаў замежжа.

Каардынацыйная Рада зьяўляецца адзіным прадстаўнічым органам беларускага грамадзтва. Яна створаная зь ініцыятывы Сьвятланы Ціханоўскай з мэтай арганізацыі працэсу пераадоленьня палітычнага крызісу й забесьпячэньня згоды ў грамадзтве, а таксама для абароны сувэрэнітэту й незалежнасьці Рэспублікі Беларусь. Рада дзейнічае на падставе асноватворных прынцыпаў Канстытуцыі Рэспублікі Беларусь. КР не мае на мэце захопу дзяржаўнай улады неканстытуцыйным шляхам, не заклікае да арганізацыі й падрыхтоўкі дзеяньняў, што парушаюць грамадзкі парадак.

Асноўны склад КР уключае 70 сяброў, астатнія асобы, якія падалі заяўкі, уключаюцца ў пашыраны склад КР. Фармаваньне асноўнага складу КР павінна быць зьдзейсьнена такім чынам, каб у яго ўвайшлі беларусы, якія карыстаюцца павагай у розных групах насельніцтва. На першым паседжаньні КР зь ліку сваіх сяброў абірае 7 сяброў Прэзыдыюма.

Працоўныя групы

Хрысьціянскае бачаньне
Падтрымка беларускай мовы й культуры
Фэм група
Ініцыятыва «КОТОС»
Прафзьвяз ONLINE
Па палітзьняволеных і парушэньнях правоў чалавека
Эканамічная
Рэгіянальная
Падтрымка бізнэсу
Па адукацыі

Сайт Каардынацыйнай Рады: https://rada.vision/by